Séguenos por correo electrónico

viernes, 16 de febrero de 2018

PLAMBE OS CASTELOS

Hola xentiña, no centro CPI A Picota durante este curso 2017-2018 estamos a traballar o tema do patrimonio cultural da zona.
Na aula de infantil de cinco anos, comezamos a traballar os castelos, mirade que presentación se lle fixo ós nenos e nenas da aula da profe Cris.





A partir de aí puxéronse mans a obra con toda ilusión e traballando día si e día tamén. Vexan o proceso de fabricación de cadeas, antorchas, espadas, escudos, banderíns, lámpara...









lunes, 12 de febrero de 2018

Entroido de Arcos (Mazaricos) no CPI A Picota 9/2/2018

Hoxe tivemos a celebración do Entroido e para celebrar o ano do Patrimonio cultural europeo e seguindo co tema do proxecto de biblioteca para este curso sobre o Patrimonio cultural galego, disfrazámonos todos do Exército dos panos e fixemos un desfile co "GENERAL" ao mando.



Prema aquí para ver máis fotos do Entroido no CPI A Picota; o ensaio xeral e logo a celebración

Aquí subimos algúns dos vídeos, se tendes máis dese día, enviádenoslos a mazaricoteca@gmail.com e publicarémolos.

Grazas.

1.- A PRESENTACIÓN


2.- Desfile dos nenos e nenas de infantil:

3. Desfile dos alumnos de primaria:


4. Desfile dos alumnos de secundaria:


5. Desfile no ximnasio do alumnado de secundaria:


6. Rematamos o desfile cun baile tradicional realizado por 4 rapazas de 2º e 1º da ESO máis un gaiteiro e outro pandereteiro de 2º ESO, acompañados pola profesora de música




Por último, dedicámoslle algo de tempo a degustar todos as larpeiradas típicas destas datas elaborados polos pais/nais dos nosos alumnos/as. ¡¡¡Estaban boísimas!!!.

Moitas grazas a todos/as pola vosa colaboración no Entroido deste ano. Sen todos vos non houbera sido posible facelo.

Tamén neste Entroido, disfrazáronse do Exército dos panos o CEIP San Cosme e o CEIP Pino do Val.
E ó día seguinte nas estradas da Picota desfilaron todos os nenos que quixeron para festexar este acontecemento.


VÍDEOS RESUMO DO ENTROIDO DOS PANOS. EDICIÓNS LUÍS.

PRODUTOS DEGUSTACIÓN E PÚBLICO


VÍDEO XERAL DO DESFILE


BAILE


DESPEDIDA

miércoles, 31 de enero de 2018

Entroido 2018: como disfrazarse do exército dos panos de Arcos (Mazaricos)

Neste artigo aparece un vídeo no que a nosa directora explica aos alumnos como teñen que coser as telas para facer os panos para o desfile do exército dos panos típico do Entroido de Mazaricos.




Fotos dos diferentes panos que se lle deu a cada alumno:



Para ver máis fotos preme aquí: https://photos.app.goo.gl/K0VV27fSiRwMkucp2

A roupa que hai que levar posta para o Entroido día 9 de febreiro é a seguinte:
-pantalón e camisa branca.
-zapato negro ou escuro.
-gravata vermella.
-E o sombreiro que faremos no obradoiro o día 5 de febreiro.

No seguinte enlace podedes ver fotos deste Entroido:
https://fotografiasdegalicia.wordpress.com/2013/02/12/entroido-de-arcos-mazaricos-carnaval-de-arcos-mazaricos/

martes, 30 de enero de 2018

CELEBRACIÓN DÍA DA PAZ 30 de Xaneiro de 2018

Chega finais de xaneiro e despois de moito exprimir os miolos, celebramos o día da PAZ.
Todo colexio da Picota, fixemos varias actividades ao abeiro deste acto:

1.- Traballaron sobre personaxes famosos e frases ditas por eles, que foron expostos na pasarela do colexio







2.- Deseñamos uns banderíns para conmemorar este día e lucir durante a canción de paz que contiñan imaxes do evento combiandas nalgúns casos con frases célebres en favor dun mundo pacifista.


preme aquí para ver máis fotos de banderíns e a canción da paz







3.- Participamos na Carreira Solidaria Save The Children, onde nos puxemos a dar voltas correndo polo patio, co fin de recaudar algo de diñeiro e aportalo a esta organización benéfica na súa labor de paliar deficiencias de medicamentos e nutricionais en nenos/as de Sudán.
Todo o alumnado participante puxo moitísimo empeño en dar moitas voltas ao patio e os familiares participaron moi xenerosamente apadriñando aos rapaces.

                                               preme aquí para ver as fotos e vídeos da carreira

4.- Para rematar a celebración todos os alumnos cantaron xuntos a canción PAZ, PAZ, PAZ de Juanes:




5- Concurso de pistas pendente de publicar no blog da biblioteca, co fin de traballar tódolos persoaxes que desde nós aportaron algo á PAZ e tamén darlle un repaso a autobiografía destes.




viernes, 19 de enero de 2018

O patrimonio arqueolóxico de Mazaricos

Hoxe, 19 de xaneiro, os alumnos de 4º e 3º ESO asistiron a unha xornada de conferencias que trataban o patrimonio arqueolóxico da zona de Mazaricos dende a época neolítica ata agora, relacionada co tema do PLAMBE para este curso sobre o noso patrimonio galego.
Sorprendeunos a cantidade de magoas que temos no noso concello, unas 100 aproximadamente.






jueves, 18 de enero de 2018

As Regueifas no Museo do Pobo Galego e o Museo das Peregrinacións



O 16 de xaneiro os alumnos de 2º ESO realizaron unha saída didáctica moi relacionada co PLAMBE para este ano sobre "O noso patrimonio galego".

Primero asistiron ao Museo das Peregrinacións onde viron unha exposición de pintura titulado "Por fin Santiago! de Alfredo González. (http://museoperegrinacions.xunta.gal/gl/exposicions-actuais)









Logo fomos polo resto dos andares onde había moitos obxectos interesantes de diferentes países todos relacionados coa peregrinación a Santiago. (http://museoperegrinacions.xunta.gal/gl/coleccion)

  Imaxe da Sagrada Familia Peregrina. Obradoiro mexicano. (1776-1800)




Para rematar a visita fóromos ao Museo de Pobo Galego onde tiveramos un obradoiro sobre regueifas moi interesante, e onde puidemos aprender a facer as nosas propias regueifas. No seguinte enlace podedes ver algunha mostra.
http://musicapicota.blogspot.com.es/2018/01/obradoiro-de-regueifas-no-museo-do-pobo.html

viernes, 12 de enero de 2018

2ª ENTREGA DOS ESCORNABOTS

O alumnado de 5 anos, así  chamados comunmente (os rapaces/as de 6º de educación Infantil formalmente),  convertíronse nos usuarios dunha cidade cosmopolita a carón de Mazaricos que eles/as e a súa profe Cris Tuñas; construíron para traballar pedagóxicamente cos robots (ESCORNABOTS).

Así, estes alumn@s deseñan o percorrido que teñen que facer para chegar ao supermercado, casas, garaxes, ferretaría, peixaría, etc... en función das labores que teñan asinadas para cada momento.

Isto implica un pensamento estruturado das ordes, dar prioridades, distribuír os percorridos para dar chegado e no proceso de viaxe, é dicir, no movemento dos robots deben deseñar mapa mental onde traballen os conceptos espacio-temporais  (dereita , esquerda, atrás e adiante, para, arranca) en si mesmos e con efecto espello, ademais de sumar as casiñas de avance, contar e aplicar conceptos lóxico-matemáticos.

Están todos/as pasándoo moi ben co Escornabot e sacándolle todos/as moito rendemento ao trebello.

En nada, o Escornabot pasará polas vosas casas!!!!!

jueves, 11 de enero de 2018

FESTIVAL DE NADAL 217

Foi o pasado 21 de decembro cando rematou o primeiro trimestre no CPI A PICOTA , e por esas datas soemos celebrar o Nadal de diferentes xeitos, poñendo como colofón ao ano académico natural cun festival de Infantil e Primaria na casa da cultura do concello de Mazaricos.

Chegados ao xoves 21 e tras ensaios, preparación do atuendo, decoracións varias, etc presentámonos alí con toda a nosa ilusión e gañas de disfrutar dun ambiente festivo en compañía das familias que puideron asistir.

Saímos do centro con antelación suficiente, pois todo fai falta nestes eventos e máis aínda canto tiñamos aló preparado unha visita ao Belén de eucalipto exposto no xardín da entrada do Concello. Convidados por Eu Son Mazaricos, revisamos as figuras talladas dos persoaxes máis relevantes, fixemos unha foto en conxunto con esa estampa navideña e nun acto simbólico unha nena do cole xunto ao alcalde, colocou o neno Xesús no pesebre.

Acto seguido xa tocaba mostrar as dotes artísticas do alumnado e divertirse coa celebración do Nadal na Picota.

Todos os cursos tiveron a súa participación co formato escollido previamente, ben sexa, baile, teatro, canto, coreografías, etc.
No medio fixemos un descansiño, onde aproveitamos para entregar os premios do Concurso de postais de Nadal.

Entre tanta redacción i explicación, deixemos paso a mostrar os vídeos das actuacións que eles falarán por si sós. Aí van tal e como foi o festival, ne mesma orde de actuación...e non perdades a ocasión de velos unha e outra vez, pagan a pena.


3 anos


4 anos


5 anos


 1º EP


2º EP


3º-4º EP


Premios postais navideñas


5º- 6º. Teatro, parte I


5º - 6º EP . Teatro, parte II


5º- 6º EP.

miércoles, 10 de enero de 2018

Día da paz: 30 xaneiro do 2018

En las clases ensayaremos las siguientes canciones: 

PAZ, PAZ, PAZ de JUANES


NO ESTAMOS SOLOS de EROS RAMAZZOTI & RICKY MARTIN


martes, 19 de diciembre de 2017

A sensibilización do problema do lume

Hoxe o alumnado da ESO asistiu a unha charla moi interesante, informativa e educativa sobre as consecuencias e os efectos do lume, e como prevenilos.

Foi interesante para esta zona de Mazaricos tan rodeada de arboreda.


Se penchades neste enlace veredes mais fotos sobre esta conferencia:
https://photos.app.goo.gl/F83Drm8PXBkJWCVq2

lunes, 18 de diciembre de 2017

O NADAL NO CPI A PICOTA

Xa estamos preto de comezar as vacacións de Nadal, e no CPI A Picota preparámonos de varios xeitos:
1.- Decorando o centro con Beléns e con árbores de Nadal
 


 

2.- Co CONCURSO DE POSTAIS NAVIDEÑAS: 

3.- Coa RECOLLIDA DE ALIMENTOS:


4.- Coa visita á RESIDENCIA DE MAIORES DE NOIA o 15 de decembro: 


Para ver más información pincha no seguinte enlace: 

5.- Co taboleiro sobre información dos Belenes máis interesantes de GALICIA:

6.- Coa música ambiental navideña que soa nos cambios de clase e nos recreos.

7.- Co BOLETÍN DE RECOMENDACIÓNS DE LECTURAS PARA AS VACACIÓNS DE NADAL.


8.- Coa visita á Escola infatil A Galiña Azul de A Picota o 20 de decembro para cantar panxoliñas aos nenos que estean alí.


Para ver mais fotos pinchade no seguinte enlace:

9.- E rematamos o 21 de decembro co FESTIVAL DE NADAL EN PRIMARIA e o alumnado de secundaria visitará o Belén da parroquia de CEE e irán ao cine.

Para ver máis fotos de todas estas actividades, podes pinchar no seguinte enlace: https://photos.app.goo.gl/4BFoqscW49wfZnaj2

jueves, 14 de diciembre de 2017

Madriñas lectoras 2017

O pasado xoves 30 de novembro comezou de novo e outro ano máis, a lectura por parte dos padriños e madriñas lectoras a tódolos nenos e nenas de Infantil 3, 4 e 5 anos. 

De maneira personalizada e combinando as idades, o alumnado de 2º de ESO maioritariamente e outros 3 voluntarios de 3º, van representando, escenificando ou lendo os contos máis demandados polo alumnado, posto que tras rematar a lectura,"@s afillad@s" van á biblio a devolver o libro e solicitan o empréstito de outro.

Os máis pequenos son tratados de medo, xa que eles son os que escollen os contos que queren ler, os espazos onde van ser lidos, a maneira e xeito de contarllos e por se non fose pouco, gozan do máis profundo cariño das madriñas (esas son a maioría).

As madriñas levan o conto para preparar na casa durante un mes aproximadamente.

Desenvolverase esta actividades cunha periocidade mensual, sendo o día escollido o último xoves de cada mes.


CASTROS DO MONTE ARO

Excursión de outono, polo data namais, a un enclave sinalado na nosa oreografía. O monte Aro está situado no concello de Mazaricos, a uns 556 metros de altitude e accédese desde A Picota, polo cruce detrás do parque e atravesando a parroquia de Atán. Distanciado do casa do Concello en 4 kms aproximadamente.

Fomos todo alumnado de Infantil e Primaria, presenciar os traballos arqueolóxicos e descubrimentos de fai miles de anos atrás, onde os nosos antepasados se estableceron coas vivendas e fortificacións da época, os anhelados castros. Escolleron a cima do monte  polas súas vantaxes de ter controlado ao entorno, as dificultades de chegar a onda eles en caso de invasións.

Estes estudos do patrimono da zona enmárcase dentro da temática da Biblioteca e que ten como fío un proxecto anual do centro, o cal versa sobre o patrimonio cultural, artístico e pasixístico do entorno.
Nestes momentos, hai unha arqueóloga traballando para o Concello de Mazaricos, Nina Alvela que se encarga de todas estas labores de desterrar a información do noso pasado e que tamén nos ofrece charlas sobre este tipo de patrimonio do Concello e coordina estas saídas para comprobalo en situ.
Fai un mes atrás, tivo toda Primaria unha charla previa sobre que eran os castros, quen e como vivía neles. Tamén falamos destes asentamentos que se sospeita que hai e se están investigando no Concello: en Abeleiras, Recarea, ....

Por outra banda e máis adiante falaremos dos petroglifos, mámoas e dolmen.

Moi agradecidos lle estamos da súa labor de ensinarlle a estes nenos/as o entorono soterrado que os rodea.

NESTE ENLACE WEB TENDES MÁIS INFORMACIÓN DO CASTRO




viernes, 24 de noviembre de 2017

Semana contra a VIOLENCIA DE XÉNERO

O luns 27 de novembro comezamos a semana contra a VIOLENCIA DE XÉNERO.

Durante os cambios de clase escoitaremos ao grupo xuvenil de Teo,  Máis boas cas patacas,  coa canción "SON MULLER" que está arrasando na rede.

As intérpretes son Valeria e Ruth (voces); Ana (guitarra); Sara (baixo); Carme (uquelele); Cristina (piano) e Candela (á batería) reivindican os dereitos e a igualdade para as mulleres do IES de Cacheiras.



En Infantil: realizaron un gran lazo violeta marcando as súas mans con pintura violeta no corpo do lazo.

En Primaria: elaboráronse uns marcapáxinas coas imaxes e frases en contra da violencia de xénero,   expostos no corcho da pasarela para ler e dar cabida a todas esas frases entre nós.

En secundaria: fíxose un calendario de novembro no que cada día ten uns recortes sobre historias deste tema e que despois de pasaren quedan no olvido.

O luns:

1.- no recreo de Secundaria e á primeira hora da tarde, en Infantil e  Primaria celebrouse o acto:
- proxectando un corto,
- lendo un manifesto en contra da violencia de xénero e lemas dos expostos nos marcadores,
- visioando un power point con imaxes sobre esta temática mentres se toca en directo algunhas pezas instrumentais con guitarra,
-  un minuto de silencio en contra da violencia de xénero e recordando a todas as víctimas,
- letras presentadas polos alumnos de 6º, co lema "maltrato cero".


Durante toda a semana a información sobre a música que soará no recreo relacionado con esta temática está no seguinte enlace:
https://docs.google.com/presentation/d/1uRMlzrb2YjTbdDGYDg-bVznrBQoJ9vyyIu_3GVa9SPU/edit?usp=sharing





jueves, 23 de noviembre de 2017

SAEN AS MOCHILAS VIAXEIRAS

No día de onte, mércores 22 de novembro saíron para as casas dos nosos estudantes, as mochilas viaxeiras que os acompañarán durante 15 días, por quendas e desde esta semana ata o mes de maio.

Nos cursos de  2º, 4º e 6º  xa teñen as novidades do curso no tocante a música, pelis, xogos, cómics, libros de lectura, revistas en castelán e inglés, xornal do día, etc.

En 2º da ESO, Secundaria, partirán para a semana tamén as mochilas viaxeiras. Neste nivel o alumnado participará na elección do material que levarán, así a mochila responderá ás súas demandas e agardemos que sexa tamén de satisfacción do alumnado.

Na volta das vacacións, a finais de xaneiro será a quenda das mochilas viaxeiras para Infantil, que levará os Escornabots e as fichas para traballar con eles.

Dentro das mochilas vai información para as familias, unha relación detallada do material adxuntado e tamén unha enquisa para valorar o interese das mochilas no alumnado e familias.

Agardamos que as disfrutedes e sexan do voso interese.



martes, 21 de noviembre de 2017

MAGOSTO castañeiro da Picota.

A nosa castañeira Fernanda levaba xa desde o luns 13 anunciándonos que esa semana celebraría o magosto, sería o venres desa semana en horario de tarde.

Como ben sabedes a señora Fernanda, é patrimonio humano de noso para estas celebracións culturais e tradicionais que soemos facer cada ano. Ela presentounos o Magosto e tamén se presentou a si mesma a tod@s nós, xa que entre os seus cambios de imaxe e a xente nova que non a coñecía, parecía que estaba un pouco desubicada.


Unha vez colleu confianza, Fernanda foi preparando e dándolle xeito a esa xornada de convivencia escolar, polo que comezou dándolle ideas ás profes de Infatil facendo os "cucuruchos de deseño" para as cáscaras e castañas en nenos/as de Infantil, despois centrouse en organizar os xogos da xornada de convivencia, onde  todos e todas  disfrutamos moito.  Xa era hora de comer as castañas, posto que o arrecendo non paraba de asolagar as nosas ulideiras.

Todos sentadiños e arredor das castañas, escunchamos unha e outra ata que fartamos e Fernanda nos deixou levar algunhas para probar na casa as nosas familias.

Actividade de interese tradicional e cultural que sempre presta entre todos nós.




TEATRO: A nena que quería navegar

Fomos convidados polo concello de Mazaricos, tódolos colexios deste axuntamento para presenciar unha estupenda obra sobre o bullying e o maltrato nas aulas, todo elo enfocado con gracia e música para que resultase entretido a toda Infantil e Primaria.


Entre o cole de San Cosme, Pino de Val e a Picota enchemos a casa da cultura e rematamos agradecendo con palmas e cancións cheas de rima a excelente proposta sobre este tema da compañía Redrum Teatro coa súa nova montaxe, titulada  "A nena que quería navegar". A obra está protagonizada por Laura Míguez e Guillermo Carbajo, dous actores/actrices coñecidas/os polos seus papeles en diferentes series de A Galega, e dirixida por Álex Sampayo, director tamén de series como "El Internado" e "Padre Casares". O texto é do propio Sampaio e Borja F. Caamaño.

Agardamos que todos tomáramos nota das actuacións nos patios e aqueles xestos que non axuden a mellorar a convinvencia e ninguén perda o interese por acudir ao cole debido a detereminadas actucións que ningunean a compañeiros/as.





domingo, 19 de noviembre de 2017

Maleta viaxeira: familia de primaria

Dende o 19 de novembro está exposto na entrada do colexio o contido das maletas viaxeiras prestadas pola Biblioteca Escolar da Xunta, para que tod@s os pais/nais que queiran, poidan coller prestados exemplares e de paso,  suxerir libros para comprar e ter na nosa biblioteca.

 

jueves, 16 de noviembre de 2017

Semana GANDEIRA 2017

Este ano dende o CPI A Picota queremos colaborar coa SEMANA GANDEIRA 2017 organizada do 27 de novembro ao 3 de decembro polo Concello de Mazaricos.

Con motivo disto temos exposta na entrada do cole a "vaca Mazarica" e un cartel onde se mostran tódalas actividades ás que teñen aceso e indicadas para os nenos/as de Primaria i ESO.
Tamén proxectamos un vídeo contiunamente que nos pasaron desde o Concello como introdución a este evento, proxección de interese para o alumnado xa que moitos deles aparecen nas imaxes.

Destacamos e animamos a participación do alumnado en:
concurso de fotografía, facer fotos e mandar por whatsapp ao 628809761 especificando título e foto. (Ata o 20 de novembro);
- relatos curtos,  historias con máis de 100 palabra i entregalas en:  semanagandeira@mazaricos.gal ;
- postres lácteos, entregalos antes do 2 de decembro as 17h. no recinto feiral,
- e unha xincana  MZ, (anotarse o 2 decembro antes das 16:15, no recinto feiral).

                                                  preme aquí para ver as demais fotos

miércoles, 8 de noviembre de 2017

Samaín 2017

ACTIVIDADES SAMAÍN 2017

§    EXPOSICIÓN DE CABAZAS DURANTE TODA SEMANA
    Entre o 30 de outubro e o 3 de novembro celebramos o Samaín no centro. Respectando a tradición das cabazas, houbo unha semana de prazo para depositalas e que estas fosen decorando os corredores, servindo así como aperitivo do que posteriormente celebramos.




LUNS 30 a XOVES 2
§    RECREO das 12: MAQUILLAXE DE TERROR NA AULA DE XOGOS INFANTIL (para todos que quixeran)
Obradoiro de maquillaxe onde as mestras pintaron a todo que alí pasou e deixou máis vampiros, bruxos e feras que alumnado no cole.
O alumnado de Secundaria voluntario, ofreceuse para pintar aos máis peques e tiveron clientela de arreo.
Bo traballo chicas!!


DECORACIÓNS E AMBIENTACIÓN DOS ESPAZOS CONXUNTOS




VENRES 3

De mañán:

§  DE 11 A 12: VISITA  TENEBROSA Á BIBLIOTECA DO CENTRO (INFANTIL).
    Os nenos e nenas destes cursos foron percorrendo algúns dos espazos do centro decorados para a ocasión, neles tentábase recrear a idea do Samaín.

§  RECREO das 12: MAQUILLAXE DE TERROR NA AULA DE XOGOS INFANTIL (DE 1º  A 6º DE PRIMARIA)
       
       Maquillaxe de acompañamento aos disfraces que trouxeron os rapaces/zas.


§  DE 12.30 A 13.20 : VISITA  Á TENEBROSA BIBLIOTECA DO CENTRO (DE 1º A  6º EP)
    Estes niveis educativos visitaron os corredores e a nosa biblioteca, todos preparados para pasar un tempo divertido onte as risas, medo e os sustos eran os protagonistas da acción, todo conducido por unha historia sobre a orixe do Samaín ambientada na Picota que introducía algún sobresalto.



De tarde:
§  

§  15:00 CONTO DE SAMAÍN PARA INFANTIL E PRIMARIA EN AUDIOVISUAIS
 Sobre as lendas traballadas na área de Lingua Galega en 5º e 6º ,escolleuse unha para gravar e facer un audioconto neste día. Coas voces de alumnos/as de 5º e 6º escoitamos, como pasaron un día de medo, unha familia de entre nós.


§  15:30 PREMIOS AOS CONCURSOS DE CABAZAS E ALIMENTOS DO TERROR
      Unha forma de agradecer a participación do alumnado é facer as máximas e mellores actividades posibles, dándolle vistosidade a todo que eles/as colaboran. Como complemento a maiores, e para levar un recordo do día e ter constancia do traballo feito, queremos darlles un premio ás cabazas e comidas do terror que resultaron ser máis admiradas e con máis comentarios positivos. 

   MOITAS GRACIAS POLA VOSA COLABORACIÓN!!



§  16:00 DEGUSTACIÓN DOS PRODUTOS ELABORADOS ANIMADA CON MÚSICA E BAILE.
    Despois dun día largo e con moito axetreo, tivemos o momento de coller folgos e probar os alimentos con tanta apariencia terrorífica. Se pola súa visiblidade non atraían,o seu tacto, textura e sabor dixéronnos o contrario e fixeron as delicias de todos nós.

martes, 7 de noviembre de 2017

Os contos do Camiño de Santiago.

   
O xoves 26 de outubro fomos invitados a facer un treito do Camiño de Santiago que pasa pola nosa zona, algo máis dun quilómetro entre Busto, desde o curce ao mirador do monte Aro, ata Ponte Olveira.

O alumnad@ de 3º, 4º, 5º e 6º  de Primaria foi escoitando diversas lendas sobre os peregrinos; cal era a súa vestimenta e material imprescindible, as aventuras ao pasar as diversas poboacións e tamén como vivían e trataban os veciños a tódolos/as visitante do Camiño.

A actividade "Contamos e recollemos contos nados no Camiño" consistiu nunhas saídas de centros escolaares para percorrer un tramo do camiño representativo fito do Xacobeo. Estaba enmarcada dentro do Programa de actividades escolares 2017 da S.A. de Xestión do Plan Xacobeo.

Experiencia moi divertida e alegre que se veu moi favorecida polos contos e animacións dos monitores/as acompañantes.

Moitas gracias a todos eles/as.

BO CAMIÑO!!!

jueves, 26 de octubre de 2017

24 OUTUBRO: DÍA DAS BIBLIOTECAS ESCOLARES

Soubemos que a nosa BIBLIOTECA estaba de santo este martes 24 de outubro, e como non, pois tivemos que celebralo todo o cole en conxunto.

Donde? Pois non podía ser noutro sitio máis ca nas bibliotecas de Secundaria e Primaria- Infantil.
Como? Lendo claro está; e nun formato interxeracional onde os maiores lían contos e lendas clásicas de Galicia aos pequenos e viceversa. Isto levou un tempo de preparación, adaptar o material para os destinatorios e practicar a oratoria.

Foi todo un éxito esta acontecemento e puxo a biblioteca como eixo de conexión entre varias xeracións.

As lecturas que tratamos de preparar estaban relacionadas co tema de Plambe, "O patrimonio artístico e cultural de Galicia" e de aí xurdiron lendas celtas, outras sobre meigas, o home do saco, o monte Pindo...

Como despedida desta actividade e para despedirse cun sabor doce do evento, compartimos uns bombóns i emprazámonos ata o vindeiro ano.




viernes, 20 de octubre de 2017

AREAS DE GALICIA

Comezamos a traballar o noso patrimonio con imaxes das praias de Galicia, mediante visionado de Power Point, análise das areas no microscopio.

É incrible a diversidade de areas que temos!



Pincha no seguinte enlace para ver máis fotos: 



martes, 17 de octubre de 2017

PRESENTACIÓN da BIBLIOTECA en PRIMARIA, INFANTIL E SECUNDARIA

Este venres día 13 de outubro tivo lugar a presentación da biblio para o alumnado de Primaria.

 Nas primeiras horas e distribuídos por grupos, fomos chamando por este orde a 6º e 5º , despois a 4º e 3º para xogar ao TRIVIAL sobre a preguntas da nosa biblioteca. Clasificámolas segundo as cores da CDU e, así darlles por conseguido un queixo a aqueles grupos que acertasen directamente unha pregunta.
Fixemos grupos de 5 persoas na aula de audiovisuais e de cada tirada de dados ían  a biblio na busca de respostas.
Resultou moi interesante xa que a competición por equipos sempre lles fai dar o máximo e cremos que o obxectivo final de coñecer ben a disposición da biblio, da CDU, de ter máis datos sobre o noso padriño Manuel González González (aínda que as veces confunden a este con Léctor, a nosa mascota da biblioteca) e tamén pasar un tempo agradable arredor deste espazo dinámico e tan aprovietable, como é a nosa biblioteca.

Nos cursos de 2º e1º levamos a cabo uns xogos didácticos co material que temos na biblio como complemento da lecturas nos recreos. Tamén lles presentamos o recuncho dos robots e aprenderon a manexalo, observando que foi do seu agrado.
Outros xogos de encaixe, bloques lóxico-matemáticos e o Monkey foron a oferta plantexada.

O martes 17 levamos a todo Infantil para mostrarlle como era o funcionamento da nosa BIBLIOTECA, é dicir, onde estaban os contos, películas e xogos adecuados para a súa idade. Falamos da función dos marcadores e como se facía o préstamo de libros e para rematar, lemos un conto sobre as ovelliñas e como estas facían as súas propias mantas.





Aos alumnos de 1º ESO nunha hora de titoría explicouselles o funcionamento da biblioteca e a CDU, deuses o seu número de lector e fíxose un concurso onde tiñan que encontrar diferentes libros.


VER MÁIS FOTOS

lunes, 9 de octubre de 2017

Como identificar noticias falsas - IFLA



A IFLA (International Federation of Library Associations and Institutions) publicou hai un tempo esta infografía na que se lembran algúns aspectos a ter en conta á hora de valorar a información e a fiabilidade das noticias: How To Spot Sake News

Traducida ao galego, dende a páxina de bibliotecas escolares lembránna nestes comezos de curso como unha ferramenta para a imprescindible alfabetización en información, na que podemos ir introducindo ao alumnado desde ben pequenos, e aproveitando o interese polos temas que xorden no medio ou no transcurso das investigacións que realicen nas diferentes fases dos seus traballos. (Agradecemos a Manuel Iglesias Fernández a tradución ao noso idioma).

Os pasos mais importantes a seguir son estes: